Deiziad krouiñ | 4 C'hwe 1938 ![]() |
---|---|
Anv berr | OKW ![]() |
Brezel | talbenn Europa an Eil Brezel-bed ![]() |
Korf an arme | Wehrmacht ![]() |
Den e penn an aozadur | Chief of the High Command of the Armed Forces ![]() |
Stad | Trede Reich ![]() |
Sez sokial | Maybach I and II ![]() |
Erlec'hiañ a ra | Ministry of the Reichswehr ![]() |
Deiziad divodadur | 8 Mae 1945 ![]() |
Commanded by | Wilhelm Keitel ![]() |
An Oberkommando der Wehrmacht (brezhoneg : "Penn uhelañ an nerzhioù armet"), berraet en OKW, a oa ul lodenn eus framm gourc'hemenniñ ar Wehrmacht (nerzhioù armet) an Trede Reich e-pad an Eil Brezel-bed. Krouet e 1938, an OKW a oa da vezañ mestr war al lu alaman, ar Kriegsmarine (morlu Alamagn) ha war al Luftwaffe (aerlu Alamagn).
Chikan a oa etre skourioù disheñvel an nerzhioù armet ha dreist-holl ar skourioù gourc'hemenniñ, dreist-holl gant an Oberkommando des Heeres (pe OKH), setu penaos ne oa ket deuet a-benn ar raktres o welet an OKW evel penn uhelañ gourc'hemenniñ an holl nerzhioù armet unvanet alaman.
Memestra e oa deuet a-benn da vezañ an diaz evit sevel oberiadennoù brezel o welet an teir skour o kenlabourat asambles. E-pad ar brezel an OKW, a oa suj d'ar Führer Adolf Hitler evel penn uhelañ gourc'hemenniñ nerzhioù ar Wehrmacht, hemañ o kemer muioc'h-mui a c'halloud war an aozadur.
E 1942 an OKW a oa e karg eus an holl tachennoù brezel nemet an hini pouezusañ, Talbenn ar Reter o welet Alamagn an Trede Reich hag e harperien en ur brezel holl a-enep an Unvaniezh soviedel. Hitler a dennas gounid eus ar chikanioù dizehan etre pennoù an OKW hag etre an OKW ha peurest pennoù an nerzhioù armet alaman evit bezañ a-benn ar fin an hini o reiñ an urzhioù.